Në seancën e sotme në Kuvend, Kryeministri Edi Rama ka folur në interpelancën me ministren e Bujqësisë. Kreu i qeverisë u ndal tek nafta për fermerët, e cila nga viti i shkuar është një produkt i subvencionuar nga qeveria në funksion të mbështetjes së fermerëve.
“Skema e bën të pamundur devijimin. Ka ndodhur në të shkuarën. Kjo paketë e rezistencës sociale shton mbështetje për fermerët me naftë falas duke bërë kompensimin e plotë të të gjithë pjesës së taksave që ata paguajnë për naftën. Bën të mundur që për këtë skemë të financohen 14 milion dollarë. Është shumë domethënëse. Adreson nevojat. Skema ka edhe një tjetër efekt pozitiv që po rrit formalizimin”, deklaroi Rama.
Ndër të tjera, Rama tha se përgjatë qeverisjes së drejtuar prej tij, realiteti i Bujqësisë zgjerohet cdo vit dhe nuk varet nga lëmoshat, por shteti jep mbështetje.