Socialistët çelën sot zyrtarisht fushatën elektorale për zgjedhjet vendore të 14 majit.
Kryeministri Edi Rama në fjalën e tij hapëse, tha se PS ka fituar 7 nga 8 beteja zgjedhore, teksa shtoi se objektivi brenda vitit 2030-të është që paga minimale në vend të jetë të paktën 60 mijë lekë.
Kreu i qeverisë nuk la pa përmendur Ilir Metën dhe Sali Berishën, për të cilët tha se janë e shkuara. Sipas tij, Berisha dhe Meta duan që të marrin peng bashkitë për t’u mbrojtur nga drejtësia.
“Kemi dyfishuar të ardhurat për frymë në Shqipëri. Ambicia ime është që brenda 2030 të kemi një pagë minimale të paktën 60 mijë lekë. Pavarësisht ngecjeve apo rrëzimeve gjatë rrugës, jo që këto nuk bëhen por vendi kthehet përsëri prapa. Siç është kthyer sa herë që ata tjerët kanë marrë në duart e tyre duart e tij, Vota për të tjerët ka sjellë si rregull më shumë dëme sesa të mira. Dëme tejet serioze krejt të pariparueshme, apo dëme që kanë dashur vite të riparohen. Padyshim që edhe ne nuk e kemi bërë mirë çdo gjë, por asgjë me dëm serioz për Shqipërinë dhe shqiptarët nuk kemi bërë. Bilanci ynë është pozitiv në raport me të gjitha kontratat tona zgjedhore. Ne jemi fuqia e ndryshimit në këtë vend. Kudo që zgjedhësit të na e besojnë votën e tyre, ne bëjmë atë që tjerët nuk munden ta bëjnë.”