Deputetja demokrate, Jorida Tabaku ka reaguar pas paralajmërimit të kryeministrit Edi Rama për vendosjen e fashës për energjinë elektrike gjatë muajve të verës.
Nëpërmjet një postimi në rrjete sociale, ajo është shprehur se pasi kryeministri kaloi zgjedhjet tashmë ndihet i sigurt për të rritur sërish çmimin e energjisë.
“KM pasi kaloi lumin e zgjedhjeve lokale ndjehet i sigurtë për të kaluar rritjen e çmimit të energjisë për 95% të shqiptarëve. Ironike! Nga vjet çmimi energjisë veç ka rënë! Të gjithë flasin për diversifikim portofoli të energjisë, qeveria flet për rritje çmimi! Qeveria e pakicës!”, shkruan Tabaku.