Ditën e premte do të mbërrijnë në Shqipëri 38400 dozat e para të vaksinës nga AstraZeneca përmes mekanizmit COVAX. Lajmi është bërë me dije nga kreu i qeverisë Edi Rama me anë të një postimi në rrjetet sociale.
Rama shkruan se me ardhjen e kësaj dërgese do të nisë menjëherë vaksinimi i mësuesve. “Pasnesër mbërrijnë 38400 DOZAT E PARA TË VAKSINËS ASTRAZENECA dhe nisim menjëherë vaksinimin e mësuesve”, shkruan Rama.
Ministrja e Shëndetësisë Ogerta Manastirliu deklaroi pasditen e sotme se është drejt përfundimit vaksinimi i stafeve mjekësore në të gjithë vendin dhe se deri tani janë kryer 21 613 vaksinime në total në radhët e bluzave të bardha dhe të moshuarve.