Kreu i qeverisë Edi Rama ka qenë për inspektim këtë paradite në Vorë, ku banesat janë drejt përfundimit, pas dëmeve të tërmetit të 21 shtatorit. Në këtë inspektim ai shoqërohej nga ministrja e Infrastrukturës dhe Energjisë, Belinda Balluku. Në takimin me banorët nuk kanë munguar as batutat, ku Rama e cilësoi ministren e tij si shejtani i madh.
Rama: Kjo është shejtani më i madh. Që po e tha e bo.
Kryefamiljari: Njësh është
Rama: Po njëshi është unë jam dyshi pas saj
Banori: Ka ardhur që pas tërmetit të shtatorit
Rama: Ne ato të shtatorit nuk i kemi harru janë në shënim puna vazhdon, por do cik durim kjo punë.
Postimi i Rames
TiNukDoJeshKurrëVetëm😢👐🏿🇦🇱
Vorë – Drejt përfundimit shtëpitë e reja të nisura pas tërmetit të shtatorit😊
Mbase reflektojnë pak ata që e kundrojnë Shqipërinë me dylbi nga tendat mediatike, sepse ne nuk harrojmë asnjë detyrim ndaj njerëzve të këtij vendi🤝
Nuk kemi shkop magjik dhe megjithëse, për shumë arsye, jo gjithnjë gjërat shkojnë sipas parashikimeve, por ama kurrë nuk mbeten pas dore deri në harresë👍
