Mosha dhe shkollimi në policinë e shtetit do të vijojë të adresohet si problem nga qeveria Rama, dhe ka qenë vetë kryeministri, i cili ka marrë pjesë në ceremoninë e kursit të lartë të policisë kriminale, që ka thënë se do të ketë një tranzicion të butë të oficerëve të moshuar.
“Besoj që me një reformë që ministri i Brendshëm po udhëheq dhe me krijimin e një strukture të re që do të jetë strukturë shërbimi e Policisë së Shtetit në formën e një ndërmarrje që do ofrojë shërbim për ruajtjen e objekteve, do të krijohet mundësia për tranzicion të butë për oficerët më të moshuar dhe për të marrë më shumë të rinj, duke iu krijuar më të moshuarve që të vazhdojnë të kenë një pagë dhe duke dhënë kontribut të rëndësishëm. Një ndërmarrje moderne që do të sigurojë ata që shkojnë në një moshë të caktuar të vazhdojnë të shërbejnë”, tha Rama.