Gjiri i Gramës, i cili ndodhet 25 km larg qytetit të Vlorës, është një prej ishujve më të bukur në Shqipëri. Këtë parajsë e ka postuar në rrjete sociale edhe kryeministri Edi Rama, ku shkruan ”Gjiri i Gramës si gjithnjë po ai magnet i parezistueshëm i Jonit”.
Postimi vjen pasi dje gazetari Blendi Fevziu publikoi një video nga ky plazh ku tregonte se nuk kishte pushues. Video mori mijëra klikime online. Por duket se kjo nuk i ka pëlqyer kryeministrit si një antireklamë ose si një pasaktësi që Fevziu ka filmuar kur pushuesit duhet të kenë qenë në pushimin e drekës ose duke drekuar!
Ky gji po vizitohet shumë edhe nga turistët e huaj, të cilët po mahniten me bukuritë e këtij vendi. Gjiri i Gramës ndodhet në Gadishullin e Karaburunit 25 km larg qytetit të Vlorës, i njohur si Gjiri i Grammatas.
Me një pozicion gjeografik jo të zakonshëm, në rrëzë të shpatit perëndimor, shumë të thiktë, pranë Orikumin, gjiri i Gramës ka shërbyer si një vendstrehim për anijet që gjendeshin në vështirësi përgjatë kësaj zone bregdetare, në kushte të vështira të motit.