“Shtëpia e Europës” u ngrit në kuadër të Samitit VI të komunitetit Politik Europian, që u mbajt në Tiranë më 16 maj në sheshin “Skëndërbej” dhe që mblodhi liderët e vendeve evropiane.
Kryeministri Edi Rama ndau pamje nga vizita e turistëve të huaj në “Shtëpinë e Europës” dhe jo vetëm. “Në sheshin “Skënderbej” turistët sot kishin edhe një destinacion më shumë, “Shtëpinë e Europës””, shkruan Rama.
E vendosur pas monumentit të Heroit tonë Kombëtar, për turistët ka ngjallur interes struktura, e ngritur enkas për këtë event, e veshur e gjitha me vizatimet e fëmijëve shqiptarë që tregojnë se si e shohin ata Europën.