Kryeministri Edi Rama e ka nisur ditën me prezantimin e kandidates për deputete në qarkun e Elbasanit, Briseida Gjoza. Ajo thotë se pas eksperiencës së studimeve dhe punësimit jashtë vendit ka vendosur të japë kontributin e saj në qytetin kuë është lindur dhe është rritur.
Gjoza shprehet se e sheh politikën si një grupim dhe hapësirë që i bën njerëzit bashkë për të bërë të pamundurën të mundur. Ajo thekson se ka vendosur t’i shfrytëzojë energjitë e saj në Elbasan pasi ka shumë hapësirëep për zhvillimin e të rinjve.
“Unë jam Briseida Gjoza. Jam lindur dhe rritur në Elbasan dhe kandidoj në qytetin e Elbasanit. Kam kryer studimet e larta në staten amerikan në Bullgari për administrim biznesi dhe studime europiane. Pas diplomimit kam punuar në një organizatë në Barcelonë dhe gjatë prezantimit të një projekti jam përzgjedhur si person përgjegjës për të hapur zyrat e UNESCOS në Senegal, në Afrikë.
Më pas kam vijuar të punoj në sektorin privat fillimisht në një kompani sllovene si menaxhere dhe më pas si drejtuese e shitjes. Pas rikthimit në Shqipëri kam punuar si menaxhere dhe konsulentë në sektorin privat. Larmishmëria e eksperiencës ka ndikuar në mënyrën si mendoj gjërat.
Unë kështu e shoh politikën. E shoh si një grupim dhe si një hapësirë që njerëzit me vullnet të bëhen bashkë për të bëhen të pamundurën të mundur. Tashmë kontributi im për qytetin e Elbasanit ka nisur Unë jam kryetare e Aleancës së Grave këshilltare bashkiake dhe dua që këtë kontribut ta çoj përpara.
Do doja shumë të shërbeja si model për të rinjtë për të kuptuar që mundesh me patjetër me shumë punë të arrish dhe të jesh kudo dhe kurdo. Por është shumë e rëndësishme se ku t’i utilizosh dhe ku t’i vendosësh këto energji. Unë kam vendosur t’i vendos në qytetin e Elbasanit. Ka shumë hapësirë për zhvillim të të rinjve anembanë ku janë”, shprehet Gjoza.