Kryeministri Edi Rama ka publikuar në rrjetet sociale pamje nga atmosfera festive në Banjat e Bënjës, në Përmet, duke e cilësuar këtë zonë si një nga destinacionet që po tërheq gjithnjë e më shumë vizitorë vendas dhe të huaj.
Në postimin e tij, kreu i qeverisë thekson se Bënja është shndërruar në një oaz natyre dhe turizmi, ndërsa kujton se vite më parë zona përballej me mungesë infrastrukture dhe hapësirash për vizitorët.
Rama ftoi qytetarët dhe turistët të vizitojnë Bënjën dhe Përmetin gjatë fundjavave, duke vënë në dukje potencialin turistik të zonës dhe aktivitetet që organizohen gjatë sezonit veror.
“Banjat e Bënjës mbrëmë, me energjinë e festës që ndezi këtë oaz natyre e turizmi, ku deri dje ankoheshim, me të drejtë, se s’kishe ku të ecje e as ku të uleshe. Sot festa vazhdon, prandaj ejani në Bënjë dhe ejani në #Përmet çdo fundjavë, sepse çdo fundjavë do t’ju lindë dëshira të ktheheni sërish”, shkruan Rama në Facebook.