Kryeministri Edi Rama thotë se mbështet drejtësinë, teksa reagoi për herë të parë në lidhje me arrestimin e kryebashkiakut të Tiranës, Erion Veliaj.
Përmes një komunikimi me ndjekësit në rrjetet sociale, Rama u shpreh se drejtësia duhet të tregojë standarde të panegociueshme demokratike.
“Hapini sytë mirë, shikoni. Bëni llogaritë para se të filsni këtu. Është për të qeshur. Shqipëria është në luftë pa kompromis kundër korrupsionit. Doni të kthehni mbrapa, të zhyteni të gjithë në kënetë? Ngjarja e djeshme është një ngjarje që do kërkojë fokusin dhe konsolidimin e një pozicioni të qartë të PS, duke i dhënë mbështetje të plotë drejtësisë dhe duke i kërkuar drejtësisë standarde të panegociueshme demokratike dhe njëkohësisht,në radhë për të kuptuar se çfarë ka bërë kryetari i bashkisë, që duhet të hiqet nga puna dhe kujt duhet t’ia dërgoijë kryeqyteti arsyen, pse është lënë pa kokë, pa gjyq”, theksoi ai.