Kryeministri Ei Rama ka publikuar në rrjetin social facebook pamjet e projektit të piramidës në kryeqytet, e cila do të rivitalizohet tërësisht.
Teksa ka uruar të gjithë ndjekësit e tij në Facebook për një ditë të mbarë, kreu i qeverisë shkruan mes të tjerash se piramida do të rikthehet në një kryevepër të zhvillimit urban.
“MIRËMËNGJES
dhe me projektin e Rilindjes së Piramidës, e cila pas 30 vjetësh agoni, do të kthehet në një tjetër kryevepër të zhvillimit urban, që do të përhapë kudo nëpër botë lajmin e radhës për Tiranën e për Shqipërinë moderne që duam, duke u bërë pikëtakimi i ri i më të rinjve me të ardhmen, si edhe një tjetër zonë tërheqëse për të gjitha moshat, ju uroj një të dielë të bukur”, shkruan Rama.
https://www.facebook.com/edirama.al/videos/579642402774890/
Piramida e Tiranës nga një ndërtesë e rrënuar prej vitesh do të transformohet në një nga qendrat më të mëdha të inovacionit dhe teknologjisë, artit e kulturës në rajon.
Projekti i prezantuar parashikon krijimin e një piramide të hapur, me dyer xhami që më së shumti do të qëndrojnë hapur, e rrethuar nga një pyll të ngjashëm me atë në qendër të kryeqytetit, ku qytetarët mund të bëjnë piknik.
Pjesë e projektit është edhe ndërtimi i shkallëve të betonit për të shkuar nga poshtë lart, ku qytetarët mund të shkojnë në majë dhe të shijojnë peizazhin e qytetit.
/tirananews.al