Këshilli i Ministrave ka miratuar një vendim me anë të cilit ka shtuar dhe ndryshuar llojet e medaljeve që akordon Kryeministri. Sipas ligjit të vitit 2013, Kryeministri Rama jepte dy lloje medaljesh, atë për “Mirënjohjen publike” dhe medaljen e “Vlerësimit profesional”. Me vendimin e ri, tashmë kryeministri Rama do të japë 6 lloje të ndryshëm medaljesh. Vlerësimet do të ndahen në tri kategori, nga Kordoni i Madh me Yll i Mirënjohjes Publike, Ylli i Madh i Mirënjohjes Publike dhe Ylli i Mirënjohjes Publike.
Ndërkohë që medaljet për “Vlerësimet profesionale”, do të jenë në tre klasa, kategoria e artë, e argjende, dhe e bronztë.
Në këtë vendim jepet dhe shpjegimi se çfarë do ndodhë me medaljet që janë akorduar deri tani.
Ato do të asimilohen dhe do të jenë të vlefshme me klasit e tretë, pra “Ylli i Mirënjohës Publike” dhe “Medalje të bronztë”.
“5. Dhënia e medaljeve bëhet menjë ceremoni zyrtare, e cila organizohet nga autoriteti që jep medaljen.6. Individët të cilët janë dalluar me Medaljen e Mirënjohjes Publike përpara hyrjes në fuqi të këtij vendimi asimilohen me mbajtësit e klasit III”, thekson VKM i miratuar nga Zv.kryeministri Erion Braçe.