Rama: Rritje pagash për administratën, Policinë e Shtetit dhe Policinë e Burgjeve

Në konferencën për mediat në prezantimin e paketës së re anti-krizë, kryeministri Edi Rama tha edhe se do të ketë rritje pagash për administratën, Policinë e Shtetit dhe Policinë e Burgjeve. “Do të rriten pagat për administratën, për Policinë e Shtetit dhe për Policinë e Burgjeve. Paga minimale do të rritet në 34 mijë lekë. Do të indeksohen pensionet e invaliditetit me 7.5%. Ndihma ekonomike rritet me 10%, dyfish ndihmë ekonomike për gratë kryefamiljare me 2 fëmijë. Do indeksojmë me 6% pensionet, indeksimi i dytë brenda 2022”.