Deputeti i PD-së së Rithemelimit, Oerd Bylykbashi së bashku me aleatët opozitarë, i ka bërë thirrje Parlamentit që të marrë në konsideratë kërkesën e deputetëve që Komisioni për Zgjedhoren t’i kthehet funksionalitetit dhe normalitetit. Bylykbashi ka deklaruar se shumica dërrmuese e opozitës në parlament duhet që të jetë në themel të një zgjidhjeje sa mjë të shpejtë të kësaj krize politike që sipas tij, Rama ka futur parlamentin. Në të kundërt, ai paralajmëron se nuk do të ketë normalitet në Parlament.
”Parlamenti të marrë në konsideratë kërkesën tonë, që komisionit t’i kthehet funksionalitetit dhe normalitetit. Në të kundërt, ky parlament do të vazhdojë të mos jetë funksional. Reforma, një nga themelet e krizës që ka përfshirë parlamentin. Shumica dërrmuese e opozitës në parlament duhet të jetë në themel të një zgjidhje sa më të shpejtë të kësaj krize politike që Edi Rama ka futur parlamentin. Normaliteti në parlament nuk do të ketë sa kohë që rregulla të rëndësishme do të ndryshohen në këtë formë. Ajo që është oferta jonë është e ndershme: Kërkojmë respektimin e një tradite 20-vjeçare që ka garantuar sukses, përgjegjësia është bashkëndarë, kjo duhet të jetë filli i këtij procesi. Këto janë rregullat bazë. Duhet një vendim parlamenti që pranon normalitetin dhe ky Komision i Reformës Zgjedhore fillon punën dhe i jep zgjidhje duke ngulur këmbë që parlamenti voton me shumicë atë që miratohet me Konsensus pa bërë lojë e truke si në 2000-ën”.
Lexo edhe :
Related Posts
Kryetari i Partisë Republikane, Fatmir Mediu bëri thirrje deputetëve të opozitës të mos bashkohen në atë që e quan “farsë” përsa i përket Reformës Zgjedhore. ”Rama nuk i ka 84 vota në parlament. I bëj thirrje deputetëve të opozitës të mos bashkohen në një farsë. Shtrembërimet që bëhen në këtë komision, të qëllimshme. Konsensusi i parë është brenda opozitës”.