Në një dalje për mediat nga Kryeministria, Edi Rama foli ndër të tjera edhe për Samitin e BE-së, dhe lajmet e fundit. Rama tha se nuk ka pushim zyrtar me datë 6, sikurse u raportua dje nga mediat.
Kreu i qeverisë komentoi masat e sigurisë që do të ndërmerren për këtë aktivitet, duke thënë se ato janë standarde që organizatorët i zbatojnë në çdo vend ku shkojnë.
“Nuk është marrë asnjë ditë pushimi, është lajm i rremë. Masat e sigurisë nuk negociohen ato vendosen sipas standardeve nga vetë KE-ja që kudo që ka aktivitete ka masa të tilla. Forcat tona të sigurisë punojnë me organizatorët e samitit që në fakt janë në KE për këtë punë. Kjo nuk është punë opinionesh, bëhet fjalë për masa të rrepta sigurie pasi do të vijnë liderët e BE-së. Për ta, ka masa ekstreme sigurie kudo që lëvizin”, tha Rama.