Kryeministri Edi Rama pasi ka surprizuar jo pakë me kandidatët për deputet në zgjedhjet e 18 qershorit, ku la jashtë shumë ‘veteranë’ të PS-ës, ditën e sotme e ka nisur me prezantimin e këngës që do të shoqërojë fushatën e PS-së.
Përmes një postimi në ‘Facebook’, Rama thotë se këngë në fjalë, është përzgjedhur mes 1797 propozimeve, ndërsa ka shtuar se shorti për ndarjen e çmimeve të fituesve mes propozuesve të kësaj kënge do të hidhet gjatë Kongresit të Partisë Socialiste, që do te zhvillohet në Ditën e Europës, më 9 Maj.
“MIRËMËNGJES dhe ju uroj një të djelë të qetë me këngën që mes 1797 propozimeve është përzgjedhur të na shoqërojë në rrugën drejt 18 qershorit të Fitores2017 Shorti për ndarjen e çmimeve të fituesve mes propozuesve të kësaj kënge fantastike do të hidhet gjatë Kongresit të Partisë Socialiste, që do te zhvillohet në Ditën e Europës, më 9 Maj ”, shkruan kryeministri Rama.
