Kryeministri Edi Rama në ceremoninë e gradimit të sportistëve elitare, ka falënderuar të gjithë vajzat që ja arritën të bëhen kampione olimpike dhe përfaqësuan denjësisht Shqipërinë në arenën ndërkombëtare.
Kreu i qeverisë u shpreh se këta 7 sportistë nuk kanë ngritur lart vetëm flamurin kuq e zi, por edhe atë të Kosovës dhe se bashkë kanë bërë krenar çdo shqiptar. Po ashtu Rama foli dhe për Luiza Gegën duke e siguruar për mbështetjen e plotë nga ana e qeverisë në rrugëtimin e saj sportiv.
“Respekt për Luiza Gegën që është shembull i jashtëzakonshëm i shpejtësisë që nuk njeh pengesa, dhe kur Luiza Gega u bë Luiza Gega s’kishte shtet që ta shtynte të vraponte më shpejt. Sot Luiza Gega është shëmbëlltyra e shtetit, e një shteti që do të eci shumë më shpejt përpara dhe që synon që do i bëjë krenar të gjitha Luizat e vogla që ne nuk i njohim ende. Zoti i bekoftë Forcat e Armatosura të Shqipërisë dhe i gjtihë kombi shqiptar qoftë gjithmonë e më shumë krenar për to”,-tha Rama.