Këtë të martë opozita synon një manifestim kundër qeverisë që pritet pas shumë kohësh që të ketë pjesëmarrje masive. Dy nga fraksionet e partisë më të madhe opozitare ajo e Sali Berishës dhe Gazment Bardhit vijnë bashkë në këtë tubim, me partitë e vogla opozitare, partinë e Ilir Metës, teksa mungon Lulzim Basha dhe ata njerëz që janë rreth tij.
I munguari më i madh do të jetë vetë ish-kryeministri Sali Berisha, i cili prej 30 dhjetorit 2023 qëndron në ”arrest shtëpie” nën akuzën e korrupsionit. Që prej asaj dite, Berisha ka dalë cdo natë në dritare ku iu ka kërkuar mbështetësve të tij rezistencë ndaj atij që ai e quan regjim të Edi Ramës.
Lexo edhe :
Related Posts
Kryeministri Edi Rama do të jetë jashtë Tiranës. Do të udhëtojë në Turqi, ku pritet të ketë një takim me presidentin Erdogan gjatë së cilit do të nënshkruhen edhe disa marrëveshje dypalëshe.
Masat e policisë së shtetit për protestën e opozitës do të jenë maksimale. Mbi 1000 efektivë pritet të jenë në terren për mbarëvajtjen e rendit, teksa dyert e kryeministrisë janë blinduar sërish, është hequr nga sheshi dhe kërpudha e famshme, e shkatërruar në një protestë të ngjashme të opozitës.
Në orën 17:30 kryeqyteti pritet të mbushet me njerëz të shumtë.