Kryeministri Edi Rama ka dhënë një peisazh të investimit më të ri në vend, ndërtimit në Gjirin e Lalzit, të resortit të parë turistik me 5 yje.
Kryeministri është shprehur se përveç Melia Group, e cila do të ndërtojë hotelin me 5 yje, qeveria është në tratativa me një sërë kompanish të tjera të mëdha për të ndërtuar akoma më shumë hotele “All Inclusive”. Rama ka shtuar gjithashtu se pritet dhe një përgjigje nga ana e këtij grupi në lidhje me ndërtimin e një resorti me 5 yje në Dhërmi.
Gjatë fjalë së tij, kryeministri ka treguar gjithashtu dhe një bisedë që ka patur me kryeministrin e Malit të Zi, të cilit i ka kërkuar t’i thotë “sekretin”, sesi ekonomia e këtij vendi të vogël mbahet vetëm nga turizmi.
Edi Rama: Shqipëria është aq e pasur në bukuri saqë duket e pabesueshme saqë ju deshën 25 vjet për tu shndërruar në një destinacion turistik… kështu shkruante Lonely Planet. Për fat të keq përgjigjen e kësaj e gjen tek mungesa e plotë e vizionit dhe zhvillimi pa kriter i vendit. Ky zhvillim shkatërroi jo pak vlera turistike. E vetmja strategji që shteti pati për turizmin ishte ç’organizimi i organizuar, lejimi i ndërtimeve pa leje buzë detit, madje edhe brenda detit. Ngritja e strukturave që nuk përmbushnin asnjë kriter minimal, e jo më pastaj ndonjë strukturë hoteliere që të mund të shërbente si kartolinë e Shqipërisë turistike.
Sigurisht që në këto 3 vjet e gjysëm nuk janë bërë mrekullira sepse është e pamundur të zhbësh gjerat që janë bërë mbrapsht për cerek shekulli, por e vërteta është se sot kemi një bazë të rëndësishme për të ndërtuar turizmin e Shqipërisë që duam. Ardhja e Meli International Hotel është një lajm jashtëzakonisht i mirëpritur, sepse është thyerja e akullit, e një akulli prej shumë vitesh për të hapur rrugën për turizmin e cilësisë së lartë dhe për të bërë të mundur që struktura të tjera të bëhen në vend.
Nuk do ta harroj kurrë se cfarë më ka thënë kryeministri i Malit të Zi dhe kur e kam pyetur për strategjinë e ndjekur për strukturat e turizmit me 5 yjë.
Më tha, mos harro që unë jam kryeministër prej 20 e kusur vitesh dhe më janë dashur 10 vjet që të thyej akullin për të sjellë strukturën e parë. Mbasi ka ardhur struktura e parë me 5 yje, është krijuar besim dhe bindje se edhe Mali i Zi mund të jetë një vend ku të ndërtohen struktura të tilla… sepse është cështje besimi dhe për një investitor ku të jetë i pari, e në një vne ku ka njëmijë e një arsye për të guxuar, duhen guxim më vete!
Ne jemi në rrugë për të çelur një sezon të ri në turizmin shqiptar, pasi përveç grupit Melia, janë një sërë grupesh të tjera që prej dy vitesh punojmë me ta. Bindja ime është që në 3-4 vitet e ardhshme nuk do të jetë vetëm ky kantier, por dy tre apo katër tjera. Ky është një investim prej rreth 90 milionë eurosh. Duke llogaritur paketën e investimeve të mundshme, ambicia jonë është që të kalojmë 1 miliard dollarët. Fakti është që në 2016 turizmin prodhoi 1.5 mlnd euro duke u shndërruar në një shtyllë shumë të fortë të ekonomisë shqiptare e krahasuar me 2015, kontributi u rrit me 200 milionë euro.
Ne kemi patur 25% më shumë kërkesë sesa çfarë është oferta jonë turistike në kuptimin e shtretërve dhe infrastrukturës.
Ajo që duhet thënë është se sipas statistikave edhe të agjencisve dhe të infrastrukturës sonë hoteliere, deri në 2015, ne arritëm që të gjenerojmë 15 mijë vende pune. Projekti ynë i diskutuar dhe vlerësuar edhe nga BB e nga FMN, flet për mundësin e krijimit të 250 mijë vendeve të punës në turizëm, vetëm në një periudhë prej 7-8 vitesh. Në këtë resort turisrtik punësohen 600 persona ndërsa me mbarimin e tij dhe fillimin e punës, do të nisin punë 1600 persona.
Vangjush Dako: Jemi duke përfunduar planin e përgjithshëm rregullues të kësaj zone… ftojmë të gjithë investitorët që të vijnë këtu dhe të shohin mundësinë për të investuar.
Milva Ekonomi: Jam e gëzuar që jam këtu. Eshtë shembulli më i mirë strategjik për turizmin. Në këtë vit që ne flasim shifrat e turizmit kanë qenë mbresëlënëse, aqsa edhe vetë operatorët turistikë nuk besonin. Ne vitin e kaluar kemi patur 4.7 mln turistë dhe kemi rritur të ardhurat sipas BSH-së me 1.5 mld euro. /TiranaNews/