SHKODËR- Qyteti i Shkodrës njihet për vlerat historike, të cilat të ftojnë t’i shohësh nga afër dhe të shijosh peizazhin e mrekullueshëm natyror.
Një prej destinacioneve turistike dhe me vlera të rralla historike është e “Ura e Mesit”, një prej atraksioneve turistike shumë të vizituar nga turistë vendas dhe të huaj.
Kryeministri i vendit, Edi Rama me një postim në “Facebook” shkruan se “Ura e Mesit” në Shkodër ka bërë që shumë turistë të huaj të dashurohen me thesaret e trashëgimisë së Shkodrës.
“Mirëmëngjesi dhe nga Ura e Mesit, një destinacion që po i bën edhe turistët e huaj të dashurohen me thesaret e trashëgimisë së Shkodrës, duke u shndërruar në pikën e preferuar për të ruajtur kujtimet nga Shqipëria, ju uroj të diel të paqtë”, shkruan Rama.