Partia Socialiste është një një proces të ri transformimi të brendshëm tha kreu i maxhorancës Edi Rama pas takimit të kryesisë së PS-së.
Ai tha se punësimet dhe drejtoritë nuk janë pronë e partisë socialiste por e popullit dhe vija e kuqe e vendosur në Kongres do të thellohet në vijimësi.
“Një proces tjetër të ri transformimi të brendshëm dhe hapjeve dhe në bazë të disa vendimeve ku në territor do të zhvillohet paralelisht për analizat e rezultateve qendër për qendër për të verifikuar cilësinë e përfshirjes së gjithë anëtarëve të PS në zgjedhje në raport me rezultatet dhe njëkohësisht për ta hapur partinë për prurje të reja nga shoqëria, pavarësisht moshës dhe për të krijuar një bazë të re për të ecur më tutje.
Ajo që do të nënvizoja si shumë të rëndësishme nga kjo mbledhje e që falë jush do ta ndaja me të gjithë publikun po në radhë të parë me të gjithë familjen tonë politike në territor është që një vijë e kuqe e cila është vendosur fort në Kongresin e Partisë e do të thellohet në vijimësi është se punësimet dhe drejtoritë nuk janë pronë e partisë socialiste po e popullit shqiptar dhe janë funksion i qeverisë dhe i gjithë strukturave ekzekutive të RSh të bazuar në Kushtetutën e ligjet në fuqi, kështu që ta kenë të gjithë të qartë këtë gjë që kjo nuk është propagandë, po vija ndarëse që do të na garantojë kalimin në një nivel tjetër të vetë cilësisë dhe të qasjes së gjithë adminsitratës shtetërore në raport me publikun. Nëse në shërbimin civilt tanimë kemi garantuar që proceset rutinë janë procese që kalojnë në kanale ligjore përmes konkursesh të DAP që janë në këndvështrimin tim procese me integritet dhe si rezultat i këtyre proceseve shumë njerëz kanë mundur të marrin atë që u takon, në pjesën tjetër të administratës kemi problematikë serioze të trashëguar në 30 vjet po që duhet ta qasim me forcë e vendosmëri. Kjo është e prerë dhe për këtë do të angazhohemi që të gjithë”, tha Rama.