Ish-deputeti i LSI-së, Përparim Spahiu në një postim në Facebook kritikon qeverinë Rama edhe për shpërblimin e të porsalindurve.
Duke cituar analizën e faturave që kanë mbetur pa paguar deri në dhjetor të 2018, nga Ministria e Financave, Spahiu thotë se 2.6 milionë dollarë nga borxhi 61 milionësh janë për shpërblimin e lindjeve në buxhetin e gjendjes civile, si shumë e papaguar. Barra fiskale është ndër më të lartat thekson ish-deputeti.
POSTIMI I PLOTE
Mirë borxhet që ju ka të rriturve por Edi Rama “nuk kursehet” të jetë në borxh dhe me të porsalindurit.
Ministria e Financave ka mbyllur analizën e faturave që kanë mbetur pa paguar deri në dhjetor të vitit 2018-ë, ku rezulton se në total, detyrimet të cilat duhet të shlyhen me buxhetin e këtij viti janë 61 milionë dollarë.
Nga këto, 2.6 milionë duhet të shkojnë për shpërblimin e lindjeve në buxhetin e gjendjes civile si shumë e pa paguar.
Nëse përfshihet edhe shuma e borxheve që ka pushteti vendor, fatura e detyrimeve për tu paguar këtë vit shkon në 110 milionë Dollarë.
Tani:
Investimet direkte të qeverisë në niveletë më të ulta historike.
Rritje pagash as që bëhet fjalë. (kujtojmë mashtrimin e 1 Prillit për rritjen e pagave të mësuesve dhe mjekëve).
Borxhet palëve të treta po shtohen përditë.
Ndërkohë që barra fiskale është nga më të lartat.
Besoj që zgjidhja është jo vetëm rrëzimi i kësaj qeverie, të korruptuar, por dhe ajo që para do ditësh e tha Kim Mehmeti: Edi Ramës duhet ti ndalohet me ligj të meret me politikë.