Një ngjarje e rëndë është shënuar në fshatin Karmë, ku dy persona dyshohet se kanë rënë në kontakt me rrymën elektrike në ambientet e jashtme të një lokali bar-kafe.
Sipas të dhënave paraprake, 40-vjeçari Sokol Preka, roje i lokalit në pronësi të një shtetasi tjetër, dhe 46-vjeçari David Deda, me profesion elektricist, kanë pësuar goditje elektrike.
Si pasojë, 40-vjeçari ka humbur jetën gjatë transportimit për në spital, ndërsa 46-vjeçari ndodhet në gjendje të rëndë shëndetësore.
Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.