Lorin Ymeri, i biri i Frederik Ymerit, i cili dyshohej se mbante rolin kryesor në skemën e shitjes së sekreteve shtetërore për agjentin e huaj, është drejtori i agjencisë së Ofrimit të Shërbimeve të Integruara (ADISA). Ish zyrtari i SHISH, Frederik Ymeri është marrë i pandehur nga SPAK së bashku me 4 ish zyrtarë të tjerë pasi auzohen se kanë marrë ryshfet nga shërbime sekrete të huaja dhe kanë shitur informacione të klasifikuara.
Ndërkohë nuk dihet ende se cili prej tyre, Frederik Ymeri, Bashkim Abazi, Luftar Cunaj, Maksim Ferra dhe ish-oficeri i policisë Gjergji Koti, është spiuni që doli në raportin e SHISH për vitin 2021 se kishte kërkuar bursë studimi për të birin në këmbim të informacioneve të klasifikuara ‘sekret shtetëror’.