Avokat Ervis Goxhaj përfaqësues i dhomës avokatisë Fier, ka ngritur problematikën shqetësuese të mbipopullimit në paraburgimin në Fier, si pasojë e vendimeve të ashpra të gjykatës.
Në gati 100 vendime të gjykatës, 70 prej tyre janë ekstreme, që penalizojnë me masën e arrestit më burg për autorët.
Janë çështje që edhe të parashikuara në kodin penal mund të vlerësohen më masë më të butë sesa burgu.
Avokati Goxhaj ka dhënë shembuj për veprat si aksidente, mungesë leje drejtimi edhe deri në përdorim të 1-2 gram kanabis që marrin dënime më burg, ndërkohë që këto masa po mbipopullojnë burgun Fier në veçanti dhe burgjet në gjithë vendin.
Përpos kësaj situatë përfaqësuesi dhomës së avokatisë Fier, Ervis Goxhaj është shprehur së po shkelen të drejtat e njeriut dhe nuk po zbatohen standartet e vendosura nga Këshilli i Europës.