Alt e ka quajtur skandaloze deklaratën Vuçiçit dhe ka kërkuar që të ngrihen negociatat e anëtarësimit në Bashkimin Evropian me Serbinë. Deputetja gjermane, Renata Alt, ka reaguar në lidhje me deklaratën e presidentit serb, për marrëdhëniet mes Kosovës dhe Serbisë.
Presidenti i Serbisë, Aleksandar Vuçiç është shprehur “i befasuar” nga deklarata e liderit gjerman, Olaf Scholz se në Bashkimin Evropian shtetet s’mund të hyjnë pa e njohur njëri-tjetrin.
Alt e ka quajtur skandaloze deklaratën Vuçiçit dhe ka kërkuar që të ngrihen negociatat e anëtarësimit në Bashkimin Evropian me Serbinë.
“Reagimi i presidentit të Serbisë gjatë konferencës për media mbi kërkesën për njohjen e Kosovës është skandaloze. Negociatat e anëtarësimit në BE me Serbinë duhet të ngrihen! Vuçiçi na ka mashtruar për një kohë të gjatë”, ka shkruar ajo.
Vuçiç ka thënë të premten se askush përveç amerikanëve nuk e ka përmendur njohjen.
“Askush më herët s’ka folur për njohje reciproke, përveç amerikanëve. Askush në Evropë s’e ka kërkuar këtë, pos asaj që kemi dëgjuar sot në konferencën në Prishtinë. Kjo ‘njohja reciproke’ është befasi edhe për ne. Gjermania është e fuqishme e ne jemi të vegjël”, ka thënë Vuçiç duke shtuar se “gjërat po kthehen kundër Serbisë”.
Po ashtu, Vuçiç ka thënë se Shcolzi kërkoi “në mënyrë shumë të qartë dhe të prerë” nga Serbia që t’i vendosë sanksione Rusisë për agresionin ndaj Ukrainës