Ambasada e Shteteve të Bashkuara të Amerikës në Tiranë ka sqaruar çështjen e heqjes apo mosdhënies ose jo të vizës së udhëtimit përtej oqeanit, për ish Kryeministrin Sali Berisha.
Shkak për këtë komunikim me zyrën e shtypit të Ambasadës amerikane, u bë deklarata e Kryeministrit Edi Rama sot në Parlament, kur i ka bërë një sfidë publike paraardhësit e tij Sali Berisha. Ai e ka ftuar t’i përgjigjet pyetjes nëse “sot shkon dot në SHBA?”
Në përgjigjen e saj zyrtare për Alpenews , Ambasada as nuk e pohoi por as nuk e mohoi këtë lajm, duke u shprehur se: “Historikisht, kemi thënë që nuk diskutojmë raste specifike vizash”.
Sali Berisha gjatë debatit në Parlament, e shmangu përgjigjen a shkon dot në SHBA, ku tha se merr shumë ftesa por nuk shkon më në takime jashtë shtetit.Shefi i qeverisë replikoi sërish ku i tha “Unë të pyeta a shkon dot në SHBA dhe jo a ke marrë ftesa. Dhe që del jashtë shtetit, del shpesh, po në SHBA a shkon dot?”Ambasada e SHBA nëpërmjet Alpenews.al, e sqaroi publikisht dhe zyrtarisht pozicionin e saj për këtë rast. Alpenews.al