Vendimi i presidentit, Ilir Meta për të shtyrë datën e zgjedhjeve ka sjellë edhe reagimin e ashpër të zëvendësministrit të Mbrojtjes, Petro Koçi në një postim në profilin e tij Facebook.
Koçi është shprehur se Meta ka filluar aksionin për të rilindur ‘97-en. “ Do dështojë! Më e pakta që mund të thuhet është fakti që presidenti po vepron haptazi në konflikt interesi. Kurthi i Ilir Metës është një investim që rrit tensionin dhe thellon krizën”, -theksoi zëvendësministri. Më tej Koçi shtoi se opozita po lufton interesat e shqiptarëve duke bllokuar proceset më të rëndësishme si reforma në drejtësi dhe hapja e negociatave. “ Po sikur të ç’dekretojë gjithë çka dekretuar?”, deklaroi Petro Koçi.