Barcelona turpëroi keq Real Madridin në mes të “Santiago Bernabeu-t” duke e mposhtur me rezultatin 3-0 në gjysmëfinalen e kthimit të Kupës së Mbretit.
Pas penalltisë, të cilën Suarezi e shënoi në stilin “Panenka”, kapiteni dhe njëkohësisht qendërmbrojtësi i Real Madridit, Sergio Ramos kishte disa fjalë për lojtarët e tij, shkruan e përditshmja spanjolle “Marca”.
“Le të mos i lejojmë ata të na i shënojnë gjashtë!”, ishte thirrja e Ramosit për bashkëlojtarët e tij, që e bëri të qartë qëllimin e madrilenëve deri në fund të ndeshjes.
“Los Blancos” iu përkushtuan këtij mesazhi të Ramos dhe Barcelona nuk arriti të shënojë tjetër herë në portën e madrilenëve.
Tashmë Barça do ta kërkojë trofeun e 31-të në Kupën e Mbretit, ku në finale do të përballe me fituesin e çiftit Valencia-Real Betis.