Real Madridi ka vendosur të mos i luajë në “Santiago Bernabeu” ndeshjet e mbetura të La Ligas. Aty kanë nisur riparimet për të shtuar kapacitetin dhe modernizuar stadiumin, kështu që presidenti ka plane të tjera.
Ndeshjet e radhës së “Los Blancos” do të luhen në kampin stërvitor “Alfredo di Stefano” dhe në këtë mënyrë punimet e stadiumit të ri nuk ndalen.
“Të gjitha ndeshjet që do t’i luajmë në shtëpi. Do t’i zhvillojmë te kompleksi stërvitor ‘Alfredo Di Stefano’. Kjo gjë na bën që të ecim më shpejt me punimet në Bernabeu. Shpresojmë që stadiumin e ri ta kemi gati në sezonin e ardhshëm”, – është shprehur Perez.