Mesfushori kroat, Luka Modric vazhdon të mbajë ende një peshë të madhe tek skuadra e Real Madrid pavarësisht moshës. Gjasat janë që fituesi i Topit të Artë në 2018, të rinovojë kontratën me madrilenët edhe për një sezon tjetër duke qënë një garanci për mesfushën e “galaktikëve” edhe për një vit tjetër.
Megjithatë, mosha nuk premton gjatë për Modriç dhe madrilenët duhet të mendojnë për të gjetur zëvendësuesin e tij.
Sipas asaj që raporton presatigjozja spanjolle “AS”, një opsion i rëndësishëm të cilin Reali po e vëzhgon me vëmendje është talenti i Borussia Dortmund dhe Anglisë, Jude Bellingham.
Mesfushori 18-vjeçar është një nga lojtarët kryesorë në skuadrën gjermane dhe pritet që së shpejti, ai të jetë një lojtar kyç edhe për kombëtaren e “Tre Luanëve”.