Merkatoja e janarit është drejt mbylljes, por ekipet gjatë kësaj kohe edhe nëse nuk kanë blerë lojtarë, kanë bërë gati terrenin për merkaton vijuese. Kështu Reali, nuk ka bërë asnjë blerje të bujshme, por ka përgatitur terrenin për hakmarrjen ndaj Juventusit. Madrilenët janë të gatshëm të ofrojnë plot 105 milionë euro për të blerë argjentinasin, i cili pritet të jetë një nga lojtarët që do të pushtojnë botën e futbollit, pas tërheqjes së Ronaldos dhe Mesit.
Edhe pse “Los Blancos”, kanë bërë planet e tyre, sipas asaj që raportohet nga mediat spanjolle, ka shumë konkurrencë nga Anglia, për lojtarin. Guardiola e sheh atë si një ingranazh shumë të rëndësishëm për makinerinë e tij.
Nga ana tjetër Juventusi nuk ka qenë dhe nuk është e gatshme për një shitje të yllit të saj. Mbetet të shihet se si do viojë merkatoja e verës dhe nëse do të ketë lëvizje.