Deputeti demokrat Muslim Murrizi ka akuzuar maxhorancën se bashkë me opozitën parlamentare po bëjnë marrëveshje në mesnatë duke e konsiderur mbledhjen e Këshillit Politik në atë që e quajti bunkeri i Pallatit të Kongreseve.
“Skutave mund të propozoni ca të keni qejf, ju garantoj nuk do të merrni asnjë votë. Lëreni pislliqet e lojërat e pista me trafikime votash. Në këtë sallë e keni treguar kur keni zgjedhur president me akrobaci politike në këtë sallë. Z. Balla ndalni pazarin e pistë me vullnetin e lirë të 85 për qind të qytetarëve shqiptarë. Shqiptarët kërkojnë zgjedhje. Sot është data 2 korrik, 30 vite më parë revolta e shqiptarëve prishi kangjellat e ambasadave për një votë, 30 vite më pas ju vazhdoni, bijtë e atyre që izoluan shqitparët në 45 vitesh, pinjollët e tyre të strukur në bunkerët e pallatit të kongreseve. Ka ardhur koha ti jepni fund”, tha Murrizi.
