Gjatë bisedës me gazetarët kryeministri Edi Rama u pyet dhe për reformën zgjedhore, për të cilën tha se do të miratohet në Parlament pas ndryshimeve mbi bazën e rekomandimeve të OSBE/ODIHR pasi ky sipas Ramës është sugjerim i Bundesetagut. Ai tha se për depolitizimin e administratës mazhoranca është e hapur për propozime e ndryshime deri në fund.
“Duke qenë se në këtë proces për të ndihmuar janë përfshirë edhe partnerë e miq të Shqipërisë s’dua të bëj komente përpara se sa të flasin dëshmitarët.
Nga ana jonë besojmë që produkti është aty i plotëson të gjitha kushtet mbi bazën e rekomandimeve të OSBE-ODIHR, në një proces kuptohet që palët kërkojnë gjithcka, ka palë qe mendojnë se ne ligjin e reformës ne fitojmë zgjedhjet, s’është e vërtetë.
Zgjedhjet fitohen me votën e popullit.
Apo mendojnë se ky sistem apo ai sistem bën ato që ata imagjinojnë se bën mrekullira, s’është e vëretë është thjesht respekti, e garantim i standarte, kjo na intereson, kemi unuar, kontribuuar e kemi bërë detyrën tonë por s’dua të merremi me fjalë.
Më vjen keq që në Shqipërinë e vitit 2020 të ketë ambasadorë që hyjnë e dalin në seli partish për të bërë marrëveshje apo diksutim për interesin e përbashkët sic është diskutimi për rregullat e lojës, duhet prej kohësh ta kishim bërë vetë këtë por duke qenë se palët e tjera kanë nevojë për këtë element edhe për garanci, nuk ka poblem ,jam mirënjohës miqve që janë përpjekur të na ndihmiojnë duke lehtësuar procesin e komunikimit, por skam koment sot për këtë se mendoj që ka akoma të tjerë që duhet të flasin”, tha kryeministri.
