Një studente nga Egjipti, Naira Ashraf u masakrua me thikë teksa zbriste nga autobusi, pasi refuzoi propozimin e martesës nga një përndjekës i fiksuar pas saj.
Ngjarja ndodhi jashtë hyrjes së universitetit të Mansoura, rreth 100 km në veri të kryeqytetit Kairo.
Zyrtarët thanë se ajo kishte humbur jetën në vend, ndërsa turma kishte kapur vrasësin e quajtur “Mohammed A”, dhe e kishte rrahur teksa përpiqej të largohej.
Policia tha se vrasësi ka pranuar krimin. Ai pohoi se e ndërmori këtë akt pasi e ndjera kishte ndaluar komunikimin me të në rrjetin “Facebook”, duke i bërë bllok, dhe se kishte refuzuar të martohej me të.
Babai i viktimës tha se autori e kishte kërcënuar disa herë të bijën dhe se familja i kishte raportuar këto kërcënime në polici.