Një orar i paracaktuar i vakteve, i respektuar çdo ditë, përmirëson tretjen, ka shumë ndikim në mbarëvajtjen e metabolizmit, i cili përshpejtohet, duke ndihmuar në ushqyerjen në sasi më të vogël, në mënyrë që të mbani peshën nën kontroll ose të dobësoheni.
Megjithatë, për shkak të mënyrës së shpejtë të jetesës dhe shumë problemeve të tjera të njeriut modern, të ushqyerit gjithmonë bie në vendin e fundit. Por ekziston një zgjidhje të cilën e ka prezantuar nga mjeku i Dr. Rangan Chatterjee, nga Britania e Madhe.
Ai u rekomandon të gjithëve një regjim të të ushqyerit që i referohet rregullit të thjeshtë “nga 8 deri në 8”, që do të thotë se vaktet ushqimore duhet të merren në këto 12 orë, nga ora 8 deri në orën 20.
“Përpiquni të pakësoni periudhën e konsumit të ushqimit deri në 12 orë. Studimet kanë treguar se ndryshimi i kohës në të cilën hani, por edhe ndryshimet te të ushqyerit mund të ndikojnë në peshën, të përmirësojnë sistemin imunitar, të balancojnë tensionin e gjakut dhe shëndetin e baktereve të mira. Kur organizmit t’i jepni hapsirë për pushim, do të përmirësoni rritjen e baktereve të cilat mund të pastrojnë zorrët. Nga 12 orët e mbetura, shumicën prej tyre fleni gjumë. Mëngjesin bëjeni në orën 8, ndërsa darkën në orën 20” deklaroi mjeku.
Kjo mënyrë është me të vërtetë e lehtë për tu ndjekur, ndërsa mund të sjellë efekte të shumta, si shëndetësore ashtu edhe fizike.