Të shtëna të tjera me armë u regjistruan sot në Mramor të Prishtinës, ku për pasojë mbetën të plagosur dy persona. Ata u dërguan menjëherë në Qendrën Klinike Universitare të Kosovës për trajtim mjekësor.
Ndërkaq, mësohet se i dyshuari për këtë ngjarje është një zyrtar policor.
Kjo tashmë është konfirmuar edhe nga Inspektorati Policor i Kosovës.
Hetuesit e IPK-së tashmë i janë përgjigjur informatave të para se zyrtari policor dyshohet të ketë shtënë me armë zjarri në drejtim të dy persona, por se ende nuk është bërë arrestimi i policit.
Rasti është duke u hetuar ndërsa në konfirmimin për plagosje, nga Policia e Kosovës deklaruan se hetuesit policor po vazhdojnë të merren me hetimet që lidhen me këtë rast.