Organizata Botërore e Metereologjisë (WMO) bëri të ditur se një bazë kërkimore argjentinase, e vendosur në majën veriore të Antarktidës, ka raportuar për një temperaturë, që nëse konfirmohet, mund të jetë një rekord për kontinentin e akullt.
Zëdhënësi i organizatës, Clare Nullis tha se baza argjentinase regjistroi një temperaturë prej 18.3 gradë celsius. Temperatura më e lartë e regjistruar ndonjëherë në këtë pjesë të botës ishte 17.5 gradë Celsius.
Megjithatë, një komitet i posaçëm, i cili merret me arkivat e motit dhe klimës pritet të verifikojë, nëse të dhënat e reja kanë arritur një rekord të ri.
Gjatë kësaj periudhe 50-vjeçare, janë tërhequr rreth 87 për qind e akullnajave përgjatë bregdetit perëndimor të gadishullit. Ndërsa, në 12 vitet e fundit ka ndodhur një tërheqje e përshpejtuar.