Në muajin tetor pritet të nisë sezoni i dytë i emisionit “Hell’s Kitchen” dhe shefi i kuzhinës, Renato Mekolli, ka zbuluar se ky sezon do të sjellë ndryshime të mëdha.
Pasi tregoi se do të shoqërohej nga një bjonde dhe një brune gjatë konkursit të gatimit, Renato ka zbuluar në një intervistë për “Panorama Plus” se do të sjellë gjithashtu një projekt surprizë me Gaz Pajën.
Megjithëse nuk e ka bërë të ditur se cili do të jetë projekti i ri, shefi i kuzhinës tregoi se ky sezon do të sjellë surpriza të mëdha.
“Gazi bën punën si aktor dhe është perfekt në atë që bën. Përkundrazi, unë i them faleminderit dhe kam qeshur pa fund. Dhe këtë sezon do të këtë akoma më shumë surpriza nga Gazi, pasi do të bashkëpunojmë të dy”, është shprehur Renato Mekolli.
Mbetet vetëm të presim për të zbuluar se ç’po përgatit dyshja e njohur!