Policia ka ndërmarrë masa të forta për zbardhjen e vrasjes së 47-vjeçarit Nikola Ikonomi të njohur si Dilaver Tozaj. Dosja.al mëson se pak çaste pasi 47-vjeçari u ekzekutua me shtatë plumba në hyrje të fshatit Resulaj në Selenicë, kjo zonë është blinduar.

Mësohet se kanë mbërritur tre automjete të forcave RENA dhe po mbikëqyrin zonën.

Vlora u trondit mbrëmjen e sotme nga vrasja e 47-vjeçarit. Ai u vra me 7 plumba mbrëmjen e sotme, tre prej të cilëv e e prekën në kokë. Konomi, që kishte ndërruar emër kohët e fundit u nis drejt spitalit me mjete private, por mbërriti i pajetë.