Forcat RENEA në bashkëpunim me policinë spanjolle kanë zhvilluar pasditen e kësaj të marte disa kontrolle të befasishme në një godinë në zonën e Komunës së Parisit në Tiranë, si edhe në zonën e Liqenit të Thatë.
Mësohet se disa persona janë shpallur në kërkim, por ende nuk ka asnjë emër dhe detaj për operacionin që po zhvillohet e kush është personi që po kërkohet në Shqipëri.
Më herët, gjatë ditës, policia spanjolle ka zhvilluar kontrolle edhe në një Call Center në Elbasan, operacion i cili u zhvendos në një tjetër Call Center, në qytetin e Vlorës, ku u shoqëruan disa persona, kryesisht vajza.