Këngëtari i njohur Renis Gjoka na surprizoi të gjithëve në korrik të këtij viti, pasi zbuloi një ngjarje të bukur të jetës së tij.
Ai zbuloi se ishte bërë baba për herë të parë i një vogëlusheje të quajtur, Aura.
Të rralla janë herët kur ai ka ndarë në rrjete sociale foto me të voglën e tij, ndërsa sot ka vendosur të na tregojë një foto shumë të ëmbël.
Aura është bërë një kopje e vogël e të atit.
Renisi i ka vendosur përshkrimit të fotos tre zemra, ndërsa buzëqesh i lumtur në foton krahas së bijës.
Partnerja e Renis Gjokës është një vajzë me emrin Jona dhe dyshja ka një histori të gjatë dashurie.
Jona është me profesion ekonomiste dhe punon në një institucion bankar në vendin tonë.
Historia e dashurisë mes tyre ka nisur që në vitin 2010 dhe Renisi është kujdesur në maksimum që marrëdhënien e tij ta mbajë sa më larg mediave.