Reshjet e shiut, të nisura rreth orës 16:00 të kësaj te shtune, me një intensitet më të lartë gjatë orëve të mbrëmjes, kanë shkaktuar përmbytje në Vlore. Uji ka arritur në rrugët e qytetit në disa centimetra.
Aksi me problematik mbetet zona e njohur si “Albano dhe Romina”. Problem gjithashtu është edhe bulevardi i ri Vlorë Skele, lagja Pavarësia pranë universitetit “Ismail Qemali” si dhe portit Detar. Po ashtu probleme ka edhe në akset e tjera lidhëse ndërmjet bulevardit Vlorë Skelë dhe rrugës Transballkanike.