Shqipëria dhe rajoni janë përfshirë nga reshje të dendura shiu prej disa ditësh tashmë duke shkaktuar dhe probleme, si daljet e lumenjve nga shtrati, probleme në furnizimin me energji elektrike dhe përmbytje.
Por javën e ardhshme reshjet do ti lënë vendin një moti të acartë, sipas meterologes Adiola Bani.
Ajo tha se kjo javë do të sjellë mot të acartë dhe reshje bore në disa zona të vendit. Bani është shprehur se do të ketë reduktim të reshjeve dhe një mot më të qëndrueshëm ndërsa fundjava do të sjellë rënie të temperaturave dhe reshje të izoluara dëbore kryesisht në zonat malore.
“Do të ketë përmirësim jo vetëm në zonat qëndrore dhe jugore ku ka patur shumë më pak reshje gjatë mëngjesit së sotëm dhe gjatë ditës kemi reshje të pakta dhe të izoluara. Veriu mbetet pak problematik gjatë paradites, ndërsa pasditja sjell përmirësim të motit, herë pas here do të kemi intervale me kthjellime dhe reshjet do të jenë në sasi më të pakët.
“Nesër do të ketë më pak reshje me shumë intervale me kthjellime, ndërsa e mërkura dhe deri në fundin e javës sjell një mot më të qëndrueshëm por temperatura të rëna ndjeshëm. E premtja dhe fundjava sjellin mot të acartë dhe temperatura shumë të ulta sidomos në zonat malore. Për shkak të lagështirës së lartë, reshjet që do të bien do të jetë dëborë dhe pse jo në të gjithë territorin.“, tha Adiola.