Teksa jemi në stinën e vjeshtës, mediat ndërkombëtare japin sugjerimet e tyre për pushimet e vitit 2027 në Europë dhe Shqipëri.
E radhës është revista franceze “TourMag” që bën një rënditje të destinacioneve më të mira për vitin e ardhshëm.
Në brendësi të artikullit teksa përmend Ballkanin, revista e udhëtimeve sugjeron Shqipërinë dhe Malin e Zi, ndër destinacionet që ia vlejnë për pushime në 2027.
Kjo pasi këto dy destinacione të huaja, shënuan një rritje prej 10% të rezervimeve për vitin 2026 dhe mund të vazhdojnë të fitojnë terren edhe për vitin 2027.
Revista franceze “TourMag” nënvizon se në Shqipëri, interesi i madh për Ksamilin mund t’ia lërë vendin një faze të re të zbulimit të vendit.
Kështu, zona si Himara, Berati, Thethi apo Valbona mund të përfitojnë nga zhvendosja e kërkesës drejt territoreve më pak të frekuentuara.
Kjo kërkesë për alternativa nuk nënkupton domosdoshmërisht se udhëtarët po heqin dorë nga destinacionet kryesore, por do tu japin përparësi zonave të tyre më pak të vizituara nga turistët.
Shqipëria ofron mbi të gjitha përpos natyrës së bukur, edhe kulturë, modernitet dhe një trashëgimi të pasur dhe mbi të gjitha është një destinacion që po ndryshon me shpejtësi.
Mbi të gjitha edhe infrastruktura dhe shërbimet turistike po përshtaten gradualisht me kërkesat e vizitorëve perëndimorë, nënvizohet në artikullin e revistës franceze “TourMag” për vitin 2027.