Kreu i kartelit “Kompania Bello”, Dritan Rexhepi është arrestuar këtë të premte (10 nëntor 2023) në vilën e tij luksoze në Stamboll, aty ku kishte shkuar falë një pasaporte false kolumbiane, regjistruar në emrin e Benjamin Omar Perez Garcia.
Yalile Loaiza, në një lidhje të drejtpërdrejt nga Ekuadori tha se Rexhepi drejtonte kartelin e tij të drogës nga burgu.
“Morëm vesh për arresimin e Rexhepit, nga postim i ministrit turk. Autoritetet nuk e dinin vendodhjen e tij që nga Janari i vitit 2022. E dimë që Rexhepi dhe në burg ka pasur një strukturë të rëndësishme për të dërguar drogë nga Ekuadori në Europë. Ekuadori është një vend kyç për trafikimin e drogës nga Amerika Latine, drejt Europës dhe SHBA-së. Rexhepi ka përdorur identitete të rreme për t’i shpëtuar autoriteteve. Ekuadori së bashku me autoritetet shqiptare kishin rëndë në dakordësi që Rexhepi të ekstradohej sapo të kryente dënimin e këtij këtu. Gazetarët që publikojnë shkrime për këta kriminelë janë në rrezik. Kjo ndodh pasi Ekuadori është një ndër vendet më të dhunshme të Amerikës Latine. Sistemi i drejtësisë në Ekuador është duke kaluar në një moment kritik pasi zyrtarët ose janë të lidhur ose janë të korruptuar nga eksponentë të krimit”-tha ajo.