Riaktivizohet zjarri në Krujë, u gjetën 50 vatra të qëllimshme në zonë

Pasditen e sotme është riaktivizuar zjarri në lagjen Boje në Krujë. Zjarri i cili filloi mëngjesin e djeshëm u fik mëngjesin e sotëm, ai është riaktivizuar sërish pasdite. Mendohet që t’i jetë rivënë zjarri nga persona të paidentifikuar, ditën e djeshme nga ana e emergjencave dhe zjarrfikësve u gjetën rreth 50 vatra zjarri të qëllimshme në zone. Në vend janë forcat zjarrfikëse dhe emergjencat civile të cilët po përpiqen të lokalizojnë dhe shuajnë flakët. Zjarri ka mbërritur në një zonë ku fatmirësisht ndërhyhet me mjete.