Dhuna është bërë ,modë në futbolin shqiptar, madje edhe në Superiore. Pa thënë se në Kategorinë e Parë dhe të Dytë ndodh çdo javë. Pas përfundimit të ndeshjes, Gramshi-Valbona, trajneri i ekipit tropojan, Mustaf Hysenaj, ka debatuar me gjyqtarin kryesor nga Poliçani, Mikele Dyrmishi.
Ky i fundit, pas kontestimeve të stafit tropojan, ka ndëshkuar me karton të kuq Hysenajn. Në këtë moment, situata ka precipituar, pasi lojtarët e Valbonës rrethuan arbitrin dhe tentuan ta godisnin. Megjithatë, kryesori pasi shikon numrat e lojtarëve që e ofenduan dhe e kërcënuan, nxori edhe katër herë kartonin e kuq për E.Shehun, B.Hajdarin, A.Balliun dhe portierin G.Spahon.
Tensioni ka qenë i madh, por menjëherë ka ndërhyrë policia bashkiake dhe ajo e rendit, që nuk kanë lejuar precipitimin e situatës. Pas ndeshjes arbitrat janë shoqëruar nga policia deri në dalje të Gramshit.