Dy seritë ku protagnosit ka qenë Mecaulay Culkin të filmit “I vetëm në shtëpi” mbeten kult. Edhe pse janë bërë dhe tri filma të tjerë bazuar në të, po me një tjetër aktor, fansat i kanë qëndruar besnik filmit klasik të viteve ’90, dhe suksesi i pasuesve nuk ka qenë i njëjtë.
Mirëpo Disney ka bërë të ditur se ky film do të risillet për brezin e ri, bashkë me dy filmat e tjerë “Night at the Museum” dhe “Diary of a Wimpy Kid”. Por ky lajm nuk është pritur mirë nga fansat e “I vetëm në shtëpi”, ku Mecaulay 8-vjeçarin në rolin e guximtarit Kevin Mc Callister detyrohet të mbrojë shtëpiunë nga hajdutët pasi familja harroi ta merrte me pushime për Krishtlindje.
“Jooooo, Disney mos na e prish fëmijërinë!”, shkruajnë fansat e filmit në Twitter. Shumë e kanë kritikuar Disney-n për mungesë të origjinalitetit dhe thjesht nuk janë dakord që “I vetëm në shtëpi” të bëhet sërish nga e para.
Disa gjëra ndoshta duhet të qëndrojnë siç janë, dhe siç i mbajmë mend. Ju si mendoni?